ՀԱՅԱՍՏԱՆԻ ԵՎ ՀՈՐԴԱՆԱՆԻ ՖՈՒՏԲՈԼԻ ՀԱՎԱՔԱԿԱՆՆԵՐԸ ՈՉ-ՈՔԻ
ԽԱՂԱՑԻՆ
18-08-2005 20:22:00 | Հայաստան | Սպորտ
ԵՐԵՎԱՆ, 18 ՕԳՈՍՏՈՍԻ, ՆՈՅՅԱՆ ՏԱՊԱՆ: Ֆուտբոլի Հայաստանի
ազգային հավաքականը, նախապատրաստվելով աշխարհի 2006թ. առաջնության
ընտրական փուլի մրցախաղերին, օգոստոսի 18-ին ընկերական հանդիպում
անցկացրեց Հորդանանի հավաքականի հետ: Մրցակցի խաղադաշտում`
Ամմանում, տեղի ունեցած խաղն ավարտվեց ոչ-ոքի` 0-0 հաշվով: Տարբեր
պատճառներով այս հանդիպմանը չմասնակցեցին Հայաստանի հավաքականի մի
քանի ֆուտբոլիստներ:
Առաջիկայում Հայաստանի ազգային հավաքականին դժվարին խաղեր են
սպասվում: Թիմը աշխարհի առաջնության ընտրական մրցումների
շրջանակներում նախ սեպտեմբերի 3-ին Երեւանում հանդիպելու է
Հոլանդիայի, իսկ 7-ին մրցակցի դաշտում` Չեխիայի հավաքականի հետ: