ԵՐԵՎԱՆ, 12 ՕԳՈՍՏՈՍԻ, ՆՈՅՅԱՆ ՏԱՊԱՆ: Երեւանի «Բանանցը»
օգոստոսի 11-ին անցկացրեց ՈՒԵՖԱ-ի
գավաթի խաղարկության որակավորման 2-րդ փուլի 1-ին հանդիպումը:
«Բանանցը» Երեւանի «Հանրապետական» մարզադաշտում մրցեց ուկրաինական
«Դնեպր» թիմի հետ եւ պարտվեց 2-4 հաշվով: Սկիզբը շատ հուսադրող էր
հայ ֆուտբոլիստների համար: Առաջին խաղակեսից հետո, շնորհիվ Արամ
Հակոբյանի խփած գոլերի, նրանք հաղթում էին 2-0 հաշվով: Սակայն 2-րդ
խաղակեսում «Բանանցի» խաղը անկանոն դարձավ, ինչից օգտվելով
ուկրաինացի ֆուտբոլիստները 4 անգամ գրավեցին մրցակցի դարպասը:
«Դնեպրի» եւ «Բանանցի» միջեւ պատասխան հանդիպումը
կկայանա օգոստոսի 25-ին, Դնեպրոպետրովսկում: Երեւանում գրանցված
4-2 հաշիվը ուկրաինական թիմի համար փաստորեն ապահովել է 2 խաղի
արդյունքով հաջորդ փուլ անցնելը: