ԵՐԵՎԱՆ, 27 ՀՈՒՆԻՍԻ, ՆՈՅՅԱՆ ՏԱՊԱՆ: Երեւանի «Լեռնագործ»
ակումբի «Արարատ» թիմն Ինտերտոտոյի գավաթի խաղարկության առաջին
փուլի պատասխան հանդիպումն անցկացրեց Շվեյցարիայի «Քսամաքս» թիմի
հետ: Մեկ շաբաթ առաջ Երեւանում կայացած առաջին խաղը «Արարատը»
տանուլ էր տվել 1-3 հաշվով: Մրցակցի դաշտում տեղի ունեցած երկրորդ
խաղում երեւանցիներն ավելի ծանր պարտություն կրեցին: «Քսամաքսը»
հաղթեց 6-0 հաշվով եւ կշարունակի պայքարը Ինտերտոտոյի գավաթի
խաղարկությունում:
Եվրոգավաթների խաղարկություններում Հայաստանը ներկայացված է
եւս երեք թիմերով: Երեւանի «Փյունիկը» հանդես կգա Չեմպիոնների
լիգայի, իսկ Աշտարակի «Միկան» եւ Երեւանի «Բանանցը»` ՈՒԵՖԱ-ի
գավաթի խաղարկությունում: Երեք թիմերն էլ իրենց խաղերը կանցկացնեն
հուլիսին: