ՖՈՒՏԲՈԼԻ ՀԱՅԱՍՏԱՆԻ ՀԱՎԱՔԱԿԱՆԸ ԿՐԿԻՆ ՊԱՐՏՈՒԹՅՈՒՆ ԿՐԵՑ
09-06-2005 17:30:00 | Հայաստան | Սպորտ
ԵՐԵՎԱՆ, 9 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 8-ին անցկացվեցին
ֆուտբոլի աշխարհի 2006թ. առաջնության ընտրական փուլի հերթական
հանդիպումները: Հայաստանի ազգային հավաքականը, որն ընդգրված է
Եվրոպական առաջին խմբում, այս անգամ մրցեց Ռումինիայի հավաքականի
հետ: Կոնստանցա քաղաքում տեղի ունեցած խաղում հայ ֆուտբոլիստները
պարտվեցին 0:3 հաշվով: Առաջին խմբում նույն օրը անցկացված մյուս
հանդիպումներում գրանցվեցին հետեւյալ արդյունքները.
Չեխիա-Մակեդոնիա` 6-1, Ֆինլանդիա-Հոլանդիա` 0-4:
Եվրոպական առաջին ընտրական խմբի մրցաշարում թիմերն այժմ տեղեր
են զբաղեցնում այսպիսի հերթականությամբ. Հոլանդիա` 22 միավոր
(անցկացրել է 8 խաղ), Չեխիա` 21 (8), Ռումինիա` 16 (9), Ֆինլանդիա`
9 (7), Մակեդոնիա` 8(9), Հայաստան` 4 (9), Անդորրա` 4 (8):
Հայաստանի ֆուտբոլիստները ընտրական հաջորդ խաղերը կանցկացնեն
սեպտեմբերի 3-ին: Այդ օրը նրանք կընդունեն Հոլանդիայի ազգային եւ
երիտասարդական հավաքականներին: