ԵՐԵՎԱՆ, 11 ՄԱՅԻՍԻ, ՆՈՅՅԱՆ ՏԱՊԱՆ: Ռեգբիի Եվրոպայի
առաջնության 3-րդ գոտու 3-րդ խմբի մրցաշարում Հայաստանի հավաքականն
անցկացրեց իր առաջին հանդիպումը: Թել Ավիվում մրցելով Իսրայելի
հավաքականի հետ` Հայաստանի թիմը հաղթեց 47-15 հաշվով: Այս թիմերի
միջեւ հաջորդ հանդիպումը տեղի կունենա Աբովյան քաղաքում, հունիսի
11-ին: Բացի Հայաստանի եւ Իսրայելի հավաքականներից, նույն
մրցաշարում հանդես են գալիս նաեւ Նորվեգիայի, Ֆինլյանդիայի,
Ադրբեջանի եւ Բոսնիա-Հերցեգովինայի հավաքականները:
Հայաստանի հավաքականը, որը հիմնականում կազմված է ֆրանսահայ
մարզիկներից, խմբի ֆավորիտն է: «ՆՈՅՅԱՆ ՏԱՊԱՆ»-ի թղթակցի հետ
զրույցում ռեգբիի Հայաստանի ֆեդերացիայի նախագահ Գագիկ Փանիկյանը
կարծիք հայտնեց, որ թիմը իրոք շատ մեծ հնարավորություններ ունի
մրցաշարում առաջին տեղը գրավելու եւ ավելի բարձր խումբ անցնելու
համար: