ՇԱԽՄԱՏԻ ՀԱՆՐԱՊԵՏԱԿԱՆ ԱՌԱՋՆՈՒԹՅՈՒՆՈՒՄ ԱՌՋԵՎՈՒՄ ԳԱԲՐԻԵԼ
ՍԱՐԳՍՅԱՆՆ ՈՒ ԿԱՐԵՆ ԱՍՐՅԱՆՆ ԵՆ
06-05-2005 21:08:00 | Հայաստան | Սպորտ
ԵՐԵՎԱՆ, 6 ՄԱՅԻՍԻ, ՆՈՅՅԱՆ ՏԱՊԱՆ: Հետաքրքիր մրցապայքարում է
ընթանում շախմատի Հայաստանի տղամարդկանց առաջնությունը: Մայիսի
6-ին կայացած 7-րդ տուրի հանդիպումներն էլ անցան բովանդակալից ու
սուր պայքարում: Գաբրիել Սարգսյանը պարտության մատնեց Լեւոն
Բաբուջյանին, Կարեն Ասրյանը` Տիգրան նալբանդյանին, Արտաշես
Մինասյանը` Արթուր Չիբուխչյանին, Արա Մինասյանը` Տիգրան
Լ.Պետրոսյանին, Տիգրան Քոթանջյանը` Բենիամին Գալստյանին: Միայն
Աշոտ Անաստասյանի եւ Արսեն Եղիազարյանի հանդիպումն ավարտվեց ոչ ոքի
արդյունքով:
7 տուրից հետո առջեւում են Գաբրիել Սարգյանն ու Կարեն
Ասրյանը, որոնք 5-ական միավոր են վաստակել: Աշոտ Անաստասյանն ունի
4,5, Արտաշես Մինասյանը` 4 միավոր:
Հիշեցնենք, որ Հայաստանի չեմպիոններն ու մյուս
մրցանակակիրները հայտնի կդառնան մայիսի 10-ին: