ԸՄԲՇԱՄԱՐՏԻԿ ՄՈՎՍԵՍ ԿԱՐԱՊԵՏՅԱՆԸ ՆՎԱՃԵՑ ԵՎՐՈՊԱՅԻ ՉԵՄՊԻՈՆԻ
ԿՈՉՈՒՄԸ
18-04-2005 20:25:00 | Հայաստան | Սպորտ
ԵՐԵՎԱՆ, 18 ԱՊՐԻԼԻ, ՆՈՅՅԱՆ ՏԱՊԱՆ: Բուլղարիայի Վառնա քաղաքում
անցկացված ըմբշամարտի Եվրոպայի առաջնությունում Հայաստանի
ներկայացուցիչ Մովսես Կարապետյանը հանդես գալով հունահռոմեական ոճի
ըմբշամարտի մրցաշարի 74 կգ քաշային կարգում իր բոլոր գոտեմարտերը
շահեց, գրավեց 1-ին տեղն ու նվաճեց Եվրոպայի չեմպիոնի կոչումը:
Փոխչեմպիոնի կոչմանն ու արծաթե մեդալին արժանացավ Հայաստանի
հավաքականի մեկ այլ անդամ` Ռոման Ամոյանը, որը 55 կգ քաշային
կարգում գրավեց 2-րդ տեղը:
Հունահռոմեական ոճի ըմբշամարտի Հայաստանի հավաքականը թիմային
պայքարում գրավեց 4-րդ տեղը: