Պակիստանում Խայբեր շրջանի Ջամրուդ քաղաքի մզկիթում տեղի ունեցած պայթյունի հետեւանքով զոհվել է 40 հոգի, 100-ից ավելի վիրավորվել են: Այս մասին հաղորդում է «ԻՏԱՌ-ՏԱՍՍ»-ը, վկայակոչելով տեղի իրավապահ մարմինները: Մզկիթում, ըստ տարբեր տվյալների, գտնվում էր 300-700 մարդ: Զոհվածների թիվը կարող է ավելանալ, քանի որ վիրավորները ծանր վիճակում են: Փրկարարները շարունակում են փլատակների տակից հանել մարդկանց: Այս պահին ոչ մեկ չի վերցրել պատասխանատվությունը կատարված ահաբեկչության համար:

---