ՓԵՏՐՎԱՐԻ ՍԿԶԲԻՆ ԿԱՄՓՈՓՎԵՆ «ՎԱՀԱՆ ԹԵՔԵՅԱՆ»
ՄՐՑԱՆԱԿԱԲԱՇԽՈՒԹՅԱՆ ԱՐԴՅՈՒՆՔՆԵՐԸ
18-01-2006 16:45:00 | Հայաստան | Մշակույթ
ԵՐԵՎԱՆ, 18 ՀՈՒՆՎԱՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Փետրվարի
4-ին կամփոփվեն Հայաստանի Թեքեյան Մշակութային միության (ՀԹՄՄ)
հայտարարած «Վահան Թեքեյան» ամենամյա մրցանակաբաշխության
արդյունքները եւ մրցանակներ կհանձնվեն 2004 թ. ստեղծված գործերի
համար: Ինչպես «ՆՈՅՅԱՆ ՏԱՊԱՆ»-ի թղթակցին հայտնեց ՀԹՄՄ փոխնախագահ
Սերգեյ Գալստյանը, մրցանակները բաշխվելու են ութ բնագավառներում`
գեղարվեստական գրականություն, երաժշտություն, կերպարվեստ, թատրոն,
ճարտարապետություն, գեղարվեստական լուսանկարչություն,
հեռուստառադիոլրագրություն եւ հումանիտար գիտություններ:
Միաժամանակ կամփոփվեն միության սահմանած «Արա եւ Մարալ»
մրցանակաբաշխության արդյունքները: Այդ մրցանակը նախատեսված է
մանուկների եւ դպրոցականների համար գրված լավագույն
ստեղծագործություների համար:
Ս. Գալստյանը նշեց, որ մրցանակաբաշխությանը մասնակցում են
ինչպես Հայաստանի, այնպես էլ Սփյուռքում եւ Արցախում ապրող
արվեստագետները:
Յուրաքանչյուր անվանակարգում սահմանված են դրամական
մրցանակներ` 1000-ական ԱՄՆ դոլար, որոնք հատկացվելու են միության
ԱՄՆ-ի եւ Կանադայի կազմակերպությունների կողմից:
«Վահան Թեքեյան» մրցանակը Թեքեյան Մշակութային միության
սահմանել է 2004 թ.: