«ԹՌՉՆԻ ԿԵՂԾ ԺԱՆՏԱԽՏԻ» ԴԵՄ ՊԱՏՎԱՍՏՄԱՆ ԱՇԽԱՏԱՆՔՆԵՐԸ ԿԱՎԱՐՏՎԵՆ
ՄԻՆՉԵՎ ԱՅՍ ԱՄՍՎԱ ՎԵՐՋԸ
10-01-2006 20:05:00 | Հայաստան | Հասարակություն
ԵՐԵՎԱՆ, 10 ՀՈՒՆՎԱՐԻ, ՆՈՅՅԱՆ ՏԱՊԱՆ: ՀՀ պետական
անասնաբուժական տեսչության պետ Գրիշա Բաղիյանը հերքեց Հայաստանի
Առաջադիմական կուսակցության տարածած տեղեկությունն այն մասին, թե
Արարատի մարզի Հովտաշատ գյուղում «թռչնի գրիպից» հնդուհավ է
սատկել: Նրա խոսքերով, այդ գյուղում օրերս հայտնաբերվել է «թռչնի
կեղծ ժանտախտի» դեպք, որի պատճառով մի քանի հավեր են սատկել:
Տեսչության պետը «ՆՈՅՅԱՆ ՏԱՊԱՆ»-ի թղթակցին հայտնեց, որ
Հայաստանի` Թուրքիային սահմանամերձ բնակավայրերի գյուղացիական
տնտեսություններում այդ հիվանդության դեմ ընտանի թռչունների
պատվաստման ներկայումս տարվող աշխատանքները կավարտվեն մինչեւ
հունվարի 20-ը, իսկ ամբողջ հանրապետությունում` մինչեւ նույն ամսվա
վերջը: