ԵՐԵՎԱՆ, 6 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ԵԱՀԿ-ի Երեւանյան
գրասենյակի, «Բնապահպանության հանրային տեղեկատվական «Օրհուս»
կենտրոն»-ի եւ «Շրջակա միջավայրի իրավական պահպանության կենտրոն»
ՀԿ-ի կողմից փաստաբանների եւ դատավորների համար կազմակերպվել էր
2-օրյա դասընթաց «Հասարակության համար բնապահպանական հարցերի
վերաբերյալ արդարադատության մատչելիությունը» թեմայով: Դասընթացի
ավելի քան 40 մասնակիցներին, որոնց թվում կային փաստաբաններ,
դատավորներ, ՀՀ կառավարության, Գլխավոր դատախազության, հասարակական
եւ միջազգային կազմակերպությունների ներկայացուցիչներ, ներկայացվել
են Օրհուսի կոնվենցիայի հիմնական սկզբունքները:
Ինչպես նշված է ԵԱՀԿ երեւանյան գրասենյակից «ՆՈՅՅԱՆ ՏԱՊԱՆ»-ին
տրամադրած հաղորդագրությունում, դասըթնացն ուղղված էր Օրհուսի
կոնվենցիայի դրույթների կատարման ոլորտում մասնակիցների
կարողությունները ամրապնդելուն եւ բնապահպանության ոլորտում
որոշումների կայացման գործընթացում հասարակության մասնակցության
անհրաժեշտության մասին իրազեկելուն: