ԵՐԵՎԱՆ, 27 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ:«Մանկական Եվրոտեսիլ 2007»-ում հաջող ելույթի համար «Ինեկոբանկ»-ը «Արեւիկ» համույթի ութ անդամների պարգեւատրեց 100 հազարական դրամով (մոտ 327 ԱՄՆ դոլար)` նրանց հանձնելով «ՄաստերՔարտ» միջազգային վճարային քարտեր: Ինչպես նշեց բանկի հաճախորդների սպասարկման ծառայության ղեկավար Գրիգոր Հովհաննիսյանը, քարտերը սպասարկվելու են անվճար, իսկ ավանդները երեխաները կարող են ստանալ չափահաս դառնալուց հետո: Տրամադրված գումարի վրա տարեկան կավելանա 8%:

---