ՊԱՐԶՎԵԼ Է ԹՈՒՄԱՆՅԱՆ ՓՈՂՈՑՈՒՄ ՓՈԽԱՆԱԿՄԱՆ ԿԵՏԻ ՎՐԱ ԱՎԱԶԱԿԱՅԻՆ
ՀԱՐՁԱԿՈՒՄ ԿԱՏԱՐԱԾ ԱՆՁԻ ԻՆՔՆՈՒԹՅՈՒՆԸ
25-12-2007 19:00:00 | Հայաստան | Հասարակություն
ԵՐԵՎԱՆ, 25 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 21-ին, ժամը
21.15-ի սահմաններում Երեւանի Թումանյանի 29 հասցեում գտնվող
փոխանակման կետ է ներխուժել մի անծանոթ, «Նագան» տեսակի
խլացուցիչով ատրճանակը պահել փոխանակման կետի տնօրենի գլխին եւ
դրամ պահանջել: Ինչպես նշվում է ՀՀ ոստիկանության պաշտոնական
կայքէջում զետեղված հաղորդագրության մեջ, տնօրենին հաջողվել է
զենքը խլել ավազակային հարձակում կատարած անձի ձեռքից, ինչպես նաեւ
հետապնդել եւ բռնել: «Զինաթափման» ժամանակ հնչել են կրակոցներ,
հարձակվողը վիրավորվել է եւ տեղափոխվել Գրիգոր Լուսավորիչ բժշկական
կենտրոն: Պարզվել է հարձակում կատարած անձը` Աբովյան քաղաքի բնակիչ
Յուրի Դադիյանն է: