ԵՐԵՎԱՆ, 24 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ՀՀ կառավարությունը 3 մլրդ դրամ է հատկացրել Երեւանի վերելակային տնտեսության վերականգնման եւ անվտանգ շահագործման աշխատանքները կազմակերպելու նպատակով: Երեւանի քաղաքապետ Երվանդ Զախարյանը դեկտեմբերի 24-ի ասուլիսում հայտնեց, որ վերելակային պարկի արդիականացման ծրագիրը մայրաքաղաքի տարբեր համայնքներում արդեն մեկնարկել է. մինչեւ տարեվերջ կավարտվեն մոտ 400 վերելակների վերանորոգման աշխատանքները: Քաղաքապետի խոսքերով, պետբյուջեի միջոցներով ընդհանուր առմամբ կհիմնանորոգվի 2464 վերելակ: Վերանորոգման աշխատանքները ամբողջությամբ կավարտվեն 2008թ.-ի հոկտեմբերին:

---