ՄՈՍԿՎԱ, 21 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ռուսաստանը ՄԱԿ-ի Անվտանգության խորհրդում կարգելափակի Կոսովոյի միակողմանի անկախության ճանաչումը: Այս մասին, ինչպես հաղորդում է ԻՏԱՌ-ՏԱՍՍ-ը, հայտարարել է Ռուսաստանի արտաքին քաղաքական գերատեսչության ղեկավար Սերգեյ Լավրովը: «Եթե առաջարկվի որոշում, որ հավանություն կտա Կոսովոյի միակողմանի հռչակված անկախությանը, անշուշտ կլինի վետո: Բայց ոչ այն պատճառով, որ Ռուսաստանն ուզում է բոլորին վատություն անել, միայն թե ինքնահաստատվի: Այլ այն պատճառով, որ վետոն միջազգային իրավունքի կարեւորագույն բաղկացուցիչն է, որը 2-րդ աշխարհամարտից հետո թույլ է տալիս մեզ խուսափել խոշոր գլոբալ հակամարտություններից»,- ընդգծել է Լավրովը:

---