ՊՐԱՀԱ, 20 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Չեխիայում դեկտեմբերի 19-ին ունեցած ավտովթարի հետեւանքով զոհվել է «Ազատություն» ռադիոկայանի աշխատակից Ռենե Չեպակը: Այս մասին հաղորդում է «Ազատություն» ռադիոկայանը: 36-ամյա Չեպակն աշխատում էր «Ազատություն» ռադիոկայանի Պրահայի կենտրոնակայանի տեխնիկական բաժնում: Նրա հետ զոհվել է նաեւ Լեոս Բիլեկը, որը ժամանակին նույնպես աշխատել է «Ազատություն» ռադիոկայանում: Ռադիոկայանի ղեկավար Ջեֆ Գեդմինը ցավակցություն է հայտնել զոհվածների հարազատներին:

---