ՄՈԳԱԴԻՇՈ, 13 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Երկու հզոր պայթյուն է որոտացել Սոմալիի մայրաքաղաք Մոգադիշոյի առեւտրական կենտրոնում: Ոստիկանության տվյալներով, ինը մարդ զոհվել է, 12-ը` վիրավորվել: Իշխանությունների ներկայացուցիչները ենթադրում են, որ պայթյունների ետեւում կանգնած են իսլամական ապստամբները, որոնք պայքար են մղում ընդդեմ անցումային կառավարության: Սոմալիի ազգային անվտանգության նախարարության տվյալներով, իսլամիստների ուժերը, որ ջախջախվել էին անցած տարեվերջին կառավարական զորքերի կողմից եթովպիական բանակի աջակցությամբ, ներկայումս ակտիվացրել են իրենց գործունեությունը եւ վերախմբավորվում են: Իշխանությունները տեղեկություններ ունեն, որ հակառակորդը նոր հարձակումներ է ծրագրում կառավարական եւ նրանց դաշնակից եթովպիական զորքերի դեմ:

---