ՄՈՍԿՎԱ, 22 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Բազելում գտնվող Այլընտրանքային էներգիայի հետազոտությունների միջազգային կենտրոնը ՌԴ նախագահ Վլադիմիր Պուտինի թեկնածությունն առաջադրել է Խաղաղության Նոբելյան մրցանակի: Այս մասին հաղորդում է ԻՏԱՌ-ՏԱՍՍ-ը: Ըստ գիտական կենտրոնի, ռուսական պետության ղեկավարը անկասկած արժանի է միջազգային ամենահեղինակավոր պարգեւին` նանոտեխնոլոգիաների ռուսական կորպորացիայի ստեղծման իր նախաձեռնության համար: «Նախագահ Վլադիմիր Պուտինի գաղափարը այլընտրանքային էներգիայի արդյունավետ ձեւ գտնելու շատ հեռատես ծրագիր է: Նրա ջանքերը նավթի արդյունավետ փոխարինիչ գտնելու ուղղությամբ ծառայում են ողջ մարդկությանը եւ ավանդ են համընդհանուր խաղաղության կառուցման գործում»,- ասվում է միջազգային գիտական կենտրոնի կոմյունիկեում:

---