ՀԱՅԱՍՏԱՆԻ ՖՈՒՏԲՈԼԻ ՄԻՆՉԵՎ 19 ՏԱՐԵԿԱՆՆԵՐԻ ՀԱՎԱՔԱԿԱՆԸ
ՍԵՊՏԵՄԲԵՐԻ 24-ԻՆ ՄԵԿՆՈՒՄ Է ՄԱԿԵԴՈՆԻԱ
24-09-2004 12:14:00 | Հայաստան | Սպորտ
ԵՐԵՎԱՆ, 24 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի ֆուտբոլի
ֆեդերացիայի գործադիր կոմիտեի անդամ Արտակ Մնացականյանի
գլխավորությամբ սեպտեմբերի 24-ին Հայաստանի մինչեւ 19 տարեկանների
հավաքականը կմեկնի Մակեդոնիա: Եվրոպայի առաջնության առաջին
որակավորման փուլում թիմն ընդգրկվել է 4-րդ խմբում եւ սեպտեմբերի
27-ից հոկտեմբերի 2-ն ընկած ժամանակահատվածում կգտնվի
Մակեդոնիայում, որտեղ էլ հաջորդ փուլի ուղեգրի համար կմրցի այդ
խմբում ընդգրկված Ֆրանսիայի, Ադրբեջանի եւ տան տերերի`
Մակեդոնիայի, հավավաքականների հետ: Հայ ֆուտբոլիստներն առաջին
հանդիպումը կանցկացնեն սեպտեմբերի 28-ին Ստրուգա քաղաքում
Ֆրանսիայի հավաքականի հետ, իսկ սեպտեմբերի 30-ին Օհրիդ քաղաքում
ուժերը կչափեն Մակեդոնիայի ընտրանու հետ: Հոկտեմբերի 2-ին կրկին
Ստրուգայում հայ ֆուտբոլիստները կմրցեն Ադրբեջանի հավաքականի հետ:
Ինչպես «ՆՈՅՅԱՆ ՏԱՊԱՆ»-ին հայտնեցին Հայաստանի ֆուտբոլի
ֆեդերացիայի Մամուլի քարտուղարությունից, ողջ մրցաշարի ընթացքում
հայ ֆուտբոլիստները եւ Ադրբեջանի հավաքականը հանգրվանելու են
Մակեդոնիայի Ստրուգա առողջարանային քաղաքի նույն` «Դրիմ»,
հյուրանոցում: