ՎԱԽՃԱՆՎԵԼ Է ՀՀ ԺՈՂՈՎՐԴԱԿԱՆ ԱՐՏԻՍՏ ՏԻԳՐԱՆ ԼԵՎՈՆՅԱՆԸ
28-06-2004 17:40:00 | Հայաստան | Մշակույթ
ԵՐԵՎԱՆ, 28 ՀՈՒՆԻՍԻ, ՆՈՅՅԱՆ ՏԱՊԱՆ: 68 տարեկան հասակում,
երկարատեւ ծանր հիվանդությունից հետո, կյանքից հեռացավ ՀՀ
ժողովրդական արտիստ, պրոֆեսոր Տիգրան Լեւոնյանը:
1946թ.-ին նրա ընտանիքը Բեյրութից ներգաղթել էր Հայաստան:
1962թ.-ից սկսած նա աշխատում էր Ալ. Սպենդիարյանի անվան օպերայի եւ
բալետի թատրոնում` որպես մեներգիչ: Տիգրան Լեւոնյանի յուրահատուկ
տենորի շնորհիվ այդ տարիներին ստեղծվում են հայ օպերային արվեստի
լավագույն էջերը: 1991-99 թթ.-ին Տ.Լեւոնյանը եղել է թատրոնի
գեղարվեստական ղեկավարն ու տնօրենը: Տիգրան Լեւոնյանի ջանքերով
90-ականներին բեմադրվում են մի շարք ներկայացումներ` «Անուշ»,
«Արշակ 2-րդ», «Պողիկտոս», նա կանգնած է եղել նաեւ հայ կինոյի
ակունքների մոտ. նկարահանվել է «Կարինե» երաժշտական ֆիլմում,
բեմադրել է «Ալմաստ», «Արշակ 2-րդ» կինոնկարները: