ՍՏԵՓԱՆԱԿԵՐՏ, 15 ՀՈՒՆԻՍԻ, ՆՈՅՅԱՆ ՏԱՊԱՆ: Այս օրերին Ստեփանակերտում անցկացվում է կերպարվեստի եւ քանդակագործության աշխատանքների ցուցահանդես-վաճառք: Ինչպես «ՆՈՅՅԱՆ ՏԱՊԱՆ»-ի թղթակցին տեղեկացրեց ԼՂՀ Նկարիչների միության նախագահ Լեոնարդ Զաքարյանը, ցուցահանդես-վաճառքը կազմակերպվել է բարեգործական նպատակներով: Արցախցի արվեստագետների աշխատանքների իրացումից ստացված հասույթի կեսը կփոխանցվի «Հայաստան» Համահայկական Հիմնադրամին` այդ միջոցները Արցախի «Հյուսիս-Հարավ» ավտոմայրուղու շինարարությանն ուղղելու նպատակով:

---