2005Թ. ԵՎՐՈՊԱՅԻ ԸՄԲՇԱՄԱՐՏԻ ԱՌԱՋՆՈՒԹՅՈՒՆԸ ՀԱՎԱՆԱԲԱՐ
ԿԱՆՑԿԱՑՎԻ ԵՐԵՎԱՆՈՒՄ
02-06-2004 21:07:00 | Հայաստան | Սպորտ
ԵՐԵՎԱՆ, 2 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 2-ին ՀՀ վարչապետ
Անդրանիկ Մարգարյանն ընդունել է Ըմբշամարտի միջազգային Ֆեդերացիայի
գլխավոր քարտուղար, մրցումների անցկացման պատասխանատու Միշել
Դյուսոնին, որը մեր երկիր է ժամանել 2005թ. նախատեսված
հունա-հռոմեական եւ ազատ ոճերի ըմբշամարտերի Եվրոպայի
առաջնությունների անցկացման համար Երեւանի հնարավորություններին
ծանոթանալու նպատակով: Համաձայն պաշտնական հաղորդագրության, պ.
Դյուսոնը նշել է, որ արդեն այցելել է Կարեն Դեմիրճյանի անվան
մարզահամերգային համալիր, ծանոթացել պայմաններին, որոնք, ըստ նրա,
համապատասխանում են անհրաժեշտ չափանիշներին եւ համալիրը հարմար է
այդպիսի առաջանություններ կազմակերպելու համար: Դյուսոնի
համոզմամբ, երկրի ընտրության հարցը քննարկող իր գործընկերները եւս,
ամենայն հավանականությամբ, նույն կարծիքին կլինեն: