ԵՐԵՎԱՆ, 6 ՄԱՅԻՍԻ, ՆՈՅՅԱՆ ՏԱՊԱՆ: Իտալիայի Կուտրո քաղաքում
ավարտված շախմատի միջազգային մրցաշարի 36 մասնակիցներից 14-ը
գրոսմայստերներ էին: Այդ իսկ պատճառով առավել եւս նշանակալից է
Հայաստանի ներկայացուցիչ Կարեն Մովսիսյանի հաջողությունը: 18
երկրների շախմատիստների մրցապայքարում երեւանցի գրոսմայստերը 9
հանդիպումներից 6-ում հաղթեց, 3-ում ոչ-ոքի խաղաց եւ 7,5 միավորով
վստահորեն գրավեց 1-ին տեղը:
2-6-րդ տեղերը բաժանած 5 մասնակիցներ` Վլադիմիր Եպիշինը
(Ռուսաստան), Իգոր Միլադինովիչը (Հունաստան), Կառլոս Գարսիան
(Արգենտինա), Դրագիշա Բլագոեւիչը (Սերբիա-Չեռնոգորիա) եւ Վասիլիոս
Կոտրոնիասը (Կիպրոս), հաղթողից ետ մնացին 1 միավորով: