ԵՐԵՎԱՆ, 25 ՓԵՏՐՎԱՐԻ, ՆՈՅՅԱՆ ՏԱՊԱՆ: 80 տարեկան հասակում
կյանքին հրաժեշտ տվեց Հայաստանի ժողովրդական արտիստ Իշխան
Ղարիբյանը:
1950 թ. ավարտելով Երեւանի Գեղարվեստա-թատերական ինստիտիուտի
դերասանական ֆակուլտետը, Իշխան Ղարիբյանն աշխատանքի է անցել
Գաբրիել Սունդուկյանի անվան, այնուհետեւ` Երեւանի Պատանի
հանդիսատեսի թատրոններում: 1967 թ.-ից աշխատել է Երեւանի
Դրամատիկական թատրոնում:
Ավելի քան երեք տասնամյակների ընթացքում Իշխան Ղարիբյանը
Դրամատիկականի բեմում կատարել է տպավորիչ, անմոռանալի դերեր, որոնք
վերջին կեսդարյա հայ դերասանական արվեստի նվաճումներից են. պարոն
Ֆրանկ («Աննա Ֆրանկի օրագիրը»), Արթին աղա («Սեր եւ ծիծաղ»),
Չուբիկով («Գավառական դետեկտիվ»), Հարություն Հալաջյան («Քո վերջին
հանգրվանը») եւ այլն: Զգալի է Իշխան Ղարիբյանի վաստակը նաեւ ռադիո
եւ հեռուստատեսային թատրոններում: