Ավստրալիայում խոշոր հրդեհ է առաջացել քիմիական գործարանում
16-09-2011 08:11:10 | Ավստրալիա | Հասարակություն
Ավստրալիական Կանբերայում վառվում է քիմիական գործարան, հայտնում է www.vesti.ru-ն:
Ականատեսների խոսքերով, հրդեհի ժամանակ առնվազն 30 պայթյուն է տեղի ունեցել: Կրակը հանգցրել են մի քանի ժամ. այն հաջողվել է մարել միայն ուրբաթ առավոտյան:
Գործարանի տարածքին հարակից բնակավայրերի բնակիչները տարհանվել են, դպրոցներում դադարեցրել են դասերն եւ փակվել են ճանապարհները:
Ըստ բժիշկների, քիմիկատների այրումից գոյացած դառը սեւ ծուխը վնասակար է առողջությանը: Բացի այդ, թունավոր նյութերը կարող են հայտնվել քաղաքի ջրային համակարգի մեջ:
Ներկայումս հրշեջները պայքարում են կրակի դեմ: