Տիգրան Սարգսյանը այցելել է ՀՀ անկախության 20-ամյակին նվիրված ցուցահանդես
19-09-2011 16:48:16 | Հայաստան | Մշակույթ
ՀՀ վարչապետ Տիգրան Սարգսյանը սեպտեմբերի 18-ին ՀՀ մշակույթի նախարար Հասմիկ Պողոսյանի ուղեկցությամբ այցելել է Հայաստանի ազգային պատկերասրահ: Վարչապետը ծանոթացել է սեպտեմբերի 17-ին բացված ՀՀ անկախության 20-ամյակին նվիրված ժամանակակից հայ նկարիչների Հայաստանի ազգային պատկերասրահին նվիրաբերած աշխատանքներին:
Կառավարության ղեկավարին են ներկայացվել նաեւ «Դալին եւ սյուրռեալիստները» խորագրով ցուցահանդեսի սյուրռեալիստական ուղղության հայտնի նկարիչներ` Սալվադոր Դալիի, Հանս Բելմերի, Լեոնոր Ֆինիի, Ջորջո դե Կիրիկոյի աշխատանքները:
Ցուցահանդեսում ներկայացված են նաեւ աբստրակցիոնիզմի հիմնադիր Վասիլի Կանդինսկու գրաֆիկական թերթերը` քսիլոգրաֆիաները, «Արժիլե» պատկերասրահի (ԱՄՆ, Լոս Անջելես) տնօրեն Քրիստին Արժիլեի հավաքածուից: