Հոկտեմբերի 1-ին`ժամը 06.04-ին ահազանգ է ստացվել, որ Երեւան քաղաքի Իսակովի պողոտայում` ՀՀ ոստիկանության ակադեմիայի հարակից տարածքում, տեղի է ունեցել ավտոպատահար, կա մեկ տուժած: Դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը: Դեռեւս չպարզված հանգամանքներում «Շեւրոլե-Նիվա» մակնիշի 03 ՍՕ 665 պետհամարանիշի ավտոմեքենան դուրս է եկել ճանապարհի երթեւեկելի մասից եւ բախվել էլ.սյանը, որի հետեւանքով վարորդը եւ ուղեւորը (ինքնությունները չի հաջողվել ճշտել) ստացել են տարբեր աստիճանի մարմնական վնասվածքներ: Մինչ փրկարարների կանչի վայր հասնելը` տուժածները դուրս են բերվել ավտոմեքենայից եւ տեղափոխվել Երեւան քաղաքի «Էրեբունի» բժշկական կենտրոն: Տուժածների առողջական վիճակը ծանր է:

---