Երեւանում անցկացվեց Նելսոն Ստեփանյանի սամբոյի միջազգային պատանեկան 2-րդ հուշամրցաշարը
03-10-2011 17:34:57 | Հայաստան | Սպորտ
Հայաստանի ազգային օլիմպիական կոմիտեն, Ռուսաստանի դաշնության «Ռոսսոտրուդնիչեստվո» դաշնային ծառայության հայաստանյան ներկայացուցչությունը եւ Հայաստանի սամբոյի ֆեդերացիան սեպտեմբերի 30-ից հոկտեմբերի 2-ը Երեւանում անցկացրեցին ԽՍՀՄ կրկնակի հերոս, լեգենդար օդաչու Նելսոն Ստեփանյանի անունը կրող սամբոյի միջազգային 2-րդ հուշամրցաշարը՝ նվիրված ՀՀ անկախության հռչակման եւ ԱՊՀ կազմավորման 20-րդ տարեդարձերին:
Տղաների 10 եւ աղջիկների 8 քաշային կարգերում միմյանց հետ մրցեցեին ավելի քան 100 մարզիկ, ովքեր ներկայացնում էին Ռուսաստանի Դաշնությունից՝ Աստրախանի, Լենինգրադի, Նիժնի Նովգորոդի, Սվերդլովսկի, Ուլյանովսկի, Մոսկվայի մարզերի եւ Կրասնոդարի երկրամասի, ՀՀ-ից՝ Վանաձորի, Գյումրիի, Նոր Հաճընի, Իջեւանի, Եղվարդի, Արտաշատի ու Երեւանի, ինչպես նաեւ ԼՂՀ-ի թիմերը:
Ստորեւ ներկայացվում են ըստ քաշային կարգերի առաջին տեղն զբաղեցրած մարզիկները.
Տղաներ
48 կգ ք/կ - Վլադիմիր Կարասնագորսկի, ք. Վիկսա, ՌԴ
52 կգ ք/կ - Մաքսիմ Մանուկյան, Գյումրի, ՀՀ
56 կգ ք/կ - Միխայիլ Դիյանով, Վիկսա, ՌԴ
60 կգ ք/կ - Արթուր Դավթյան, Արմավիր, ՌԴ
65 կգ ք/կ - Էդգար Միքայելյան, Արմավիր, ՀՀ
70 կգ ք/կ - Արթուր Հակոբյան, Սվերդլովսկ, ՌԴ
75 կգ ք/կ - Դավիթ Հովհաննիսյան, Կրասնոդար, ՌԴ
81 կգ ք/կ - Կարեն Սիմոնյան, Երեւան, ՀՀ
87 կգ ք/կ - Դմիտրի Տարգաշով, Սվերդլովսկ, ՌԴ
+87 կգ ք/կ - Ժիրայր Վարդանյան, Երեւան, ՀՀ
Աղջիկներ
44 կգ ք/կ - Ելիզավետա Կուլիկովա, Լենինգրադի մարզ, ՌԴ
48 կգ ք/կ - Գալինա Պենկովա, Աստրախան, ՌԴ
52 կգ ք/կ - Գուլֆիյա Մուխտարովա, Աստրախան, ՌԴ
56 կգ ք/կ - Դարյա Սեդնովա, Լենինգրադի մարզ, ՌԴ
60 կգ ք/կ - Վիկտորիա Միսակյան, Երեւան, ՀՀ
65 կգ ք/կ - Նելլի Ավետիսյան - Երեւան, ՀՀ
70 կգ ք/կ - Նատալիա Կորոտկովա, Լենինգրադի մարզ,ՌԴ
+70 կգ ք/կ - Ալեսյա Կաշլեւա, Մոսկվայի մարզ, ՌԴ
Թեեւ մրցումներին չէին մասնակցում սամբոյի հավաքականների առաջին համարի ուժեղագույն մարզիկները, սակայն գոտեմարտերն անցան դիտարժան ու հետաքրքիր պայքարի մթնոլորտում, որոնք նաեւ լավ առիթ էին ՝ Ռիգա քաղաքում հոկտեմբերի 13-ից 17-ը կայանալիք Սամբոյի պատանիների, երիտասարդների ու աղջիկների աշխարհի առաջնությունից առաջ ուժերը փորձարկելու համար:
Մրցաշարի բոլոր հաղթողներն ու մրցանակակիրները պարգեւատրվեցին համապատասխան կարգի դիպլոմներով, մեդալներով ու գավաթներով, հյուրերի համար կազմակերպվեցին ճամփորդություններ դեպի Էջմիածին, Գառնի, Գեղարդ: