Ֆրանսիայի Հանրապետության նախագահի՝ Հայաստան կատարած պետական այցի առիթով, ՀՀ Արտաքին գործերի նախարարին շնորհվեց Պատվո լեգեոնի շքանշանի բարձրագույն սպայի աստիճան, որը ֆրանսիական առաջին կայսրության օրոք հիմնադրված սույն շքանշանի ամենաբարձր աստիճաններից մեկն է։ Ըստ Հայաստանում Ֆրանսիայի դեսպանության մամլո հաղորդագրության, ՀՀ Մշակույթի նախարարը, Երեւանի քաղաքապետը եւ Ֆրանսիայում Հայաստանի դեսպանը ֆրանսիական իշխանությունների կողմից արժանացան Արժանիքի համար Ազգային շքանշանի սպայի աստիճանին՝ ի նշան երախտագիտության հայ-ֆրանսիական հարաբերությունների զարգացման գործում նրանց ներդրած ավանդի համար։

---