Մակ-ի Գլխաւոր քարտուղար Բան Կ'ի-մունի ուղերձը Ձիահ-ի դէմ պայքարի համաշխարհային օրուայ կապակցութեամբ
30-11-2011 20:30:46 | ԱՄՆ | Մամլո հաղորդագրություն
Դեկտեմբերի 1, 2011
Ոտք դնելով Ձիահ-ի տարածման չորրորդ տասնամեակ, մենք վերջապէս հասել ենք մի կէտի, երբ կարող ենք վերջ տալ այս համաճարակին:
Մինչ օրս գրանցուած մեր առաջընթացն ապացոյցն է այն բանի, որ մենք ի վիճակի ենք կեանքի կոչել մեր տեսլականը, այն է` ՄԻԱՒ վարակի նոր դէպքերի զրոյական մակարդակ, զրոյական խտրականութիւն եւ Ձիահ-ով պայմանաւորուած մահերի զրոյական քանակ:
Միաւ-ով վարակման նոր դէպքերի քանակը 1997 թուականից ի վեր կրճատուել է աւելի քան 20 տոկոսով: Վարակման նոր դէպքերի քանակը շարունակում է նուազել աշխարհի շատ մասերում: Աֆրիկայի` Սահարայից հարաւ ընկած հատուածում` ՁԻԱՀ համաճարակի ամենամեծ տարածումն ունեցող տարածաշրջանում, ՄԻԱՒ վարակի հիւանդացութեան մակարդակը նուազել է 22 երկրներում:
Բնակչութեանառաւել վտանգի ենթարկուող խմբերի շրջանում համաճարակը «Տեղատուութիւն» է ապրում: ՄԻԱՒ վարակի կանխարգելման ծառայութիւնների հասանելիութիւնը երիտասարդներին, կոմերցիոն սեռական ծառայութիւններ տրամադրողներին եւ նրանց յաճախորդներին, թմրամիջոցների ներարկային օգտագործողներին, տղամարդու հետ սեռական յարաբերութիւններ ունեցող տղամարդկանց եւ տրանսգենդերներինօգնում է ստանձնել սեփական առողջութեան վերահսկումը` յանուն իրենց բարօրութեան:
Բուժումը 1985 թուականից ի վեր կանխել է Ձիահ-ով պայմանաւորուած 2.5 միլիոն մահ: Միայն անցեալ տարի 700 000 կեանք է փրկուել: Ցածր եւ միջին եկամուտ ունեցող երկրներում բնակուող եւ բուժման կարիք ունեցող անձանց գրեթէ կէսը` մօտ 6.6 միլիոն մարդ, այժմ բուժում է ստանում:
ՄԻԱՒ վարակի կանխարգելման եւ բուժման միջեւ դրական փոխազդեցութիւնները (սիներգիաները) արագացնում էն գործընթացը:
Սակայն Ձիահ-ին վերջ տալու համար անհրաժեշտ է, որ մենք ապահովենք նոյնիսկ աւելի մեծ արդիւնքներ:
Այս տարուայ յունիսին Միաւորուած ազգերի կազմակերպութեան Գլխաւոր ասամբլեայի ՄԻԱՒ/Ձիահ-ի հարցերով բարձր մակարդակի հանդիպման ընթացքում 2015 թուականի համար ընդունուեցին համարձակ թիրախներ. կիսով չափ կրճատել Միաւ-ի փոխանցումը սեռական ճանապարհով, վերացնել երեխաների վարակման դէպքերը, բուժում ապահովել Միաւ-ով ապրող 15 միլիոն անձանց համար, վերջ տալ խարանին ու խտրականութեանը, փակել Ձիահ-ի դէմ պայքարի ֆինանսաւորման բացը:
Ուժեղ քաղաքական կամքի, խելամիտ ֆինանսական միջոցների առկայութեամբ եւ մարդու իրաւունքների հիման վրայ որդեգրած հաստատակամ մօտեցմամբ մենք ի վիճակի ենք հասնել նշուած բոլոր թիրախներին:
Յաջողութեան հասնելու հարցում ֆինանսաւորումն ունենալու է վճռորոշ նշանակութիւն: Այս խնդրին առնչութիւն ունեցող բոլոր կողմերին կոչ եմ անում գործնական քայլերի դիմել Մակ-ի ՄԻԱՒ/Ձիահ-ի միացեալ ծրագրի կողմից առաջ քաշուած ֆինանսաւորման ծրագրի շրջանակներում եւ ամբողջութեամբ ապահովել ներդրումների համաշխարհային նպատակային ցուցանիշի ֆինանսաւորումը` տարեկան 24 միլիարդ դոլար: Արդիւնքը կը փոխհատուցի կարճաժամկէտ ծախսերը մէկ սերնդի կեանքից էլ պակաս ժամանակահատուածում:
Մենք պարտաւոր ենք յենուել այն քաղաքական յանձնառութիւնների, ներդրումների, էներգիայի, ակտիվիզմի եւ նպատակասլացութեան վրայ, որոնք մեզ հասցրել էն այս շրջադարձային կէտին:
Շարժման ընթացքը նպաստաւոր է: Եկէք օգտագործենք այն` մէկընդմի՛շտ վերջ տալու համար Ձիահ-ին: