Յայտնում ենք, որ «Արմէնիայ» Միջազգային Օդանաւակայաններ» ՓԲԸ կողմից օդանաւերի սպասարկման ներկայիս գները սահմանուել էն 2005թ.` հաշուի առնելով օդանաւակայանի զարգացման Մաստեր պլանը եւ առ այսօր չէն փոփոխուել: «Արմէնիայ» Միջազգային Օդանաւակայաններ» ՓԲԸ անհանգստացած է «Արմաւիայ» աւիաընկերութեան կողմից երեք ամիս կուտակած պարտքի գումարի աճի կապակցութեամբ: Անհանգստացնում է նաեւ այն հանգամանքը, որ աւիաընկերութիւնը մշտապէս խախտում է պարտքի մարման իր իսկ ներկայացրած ժամանակացոյցը: Ինչ վերաբերում է աւիավառելիքի սակագներին, նշենք, որ «Արմէնիայ» Միջազգային Օդանաւակայաններ» Փբը-ն աւիավառելիքը ձեռք է բերում «Արմաւիայ» աւիաընկերութեան բաժնետիրոջը պատկանող Միկա Լիմիթէդ ընկերութիւնից եւ վաճառքի գին է սահմանում համաձայն ՀՀ Տնտեսական մրցակցութեան պաշտպանութեան յանձնաժողովի սահմանած բանաձեւի: Ընդ որում` աւիավառելիքի դիմաց վճարումը «Արմէնիայ» Միջազգային Օդանաւակայաններ» ՓԲԸ-ն կատարում է աւիավառելիքը ստանալու պահին, նոյն օրը, առանց ուշացումների: «Արմէնիայ» Միջազգային Օդանաւակայաններ» ՓԲԸ-ն ցաւում է ուղեւորներին աւիաընկերութեան կողմից պատճառուած անյարմարութիւնների համար եւ յուսով է, որ ազգային աւիափոխադրողը շուտափոյթ միջոցներ կը ձեռնարկի իրադրութիւնը շտկելու համար` ժամանակին կատարելով իր ստանձնած պարտաւորութիւնները: «Արմէնիայ» Միջազգային Օդանաւակայաններ» ՓԲԸ հանրային կապերի բաժին

---