Սերժ Սարգսեանը հանդիպում է ունեցել Արքեպիսկոպոս Խրիսոստոմոս Երկրորդի հետ
17-01-2011 20:24:00 | | Քաղաքական
ՆԻԿՈՍԻԱ, 17 ՅՈՒՆՎԱՐԻ, ՆՈՅԵԱՆ ՏԱՊԱՆ: Պետական այցով Կիպրոսում գտնուող Հայաստանի նախագահ Սերժ Սարգսեանը յունվարի 17-ին հանդիպում է ունեցել Արքեպիսկոպոս Խրիսոստոմոս Երկրորդի հետ:
Հանդիպման ժամանակ զրուցակիցներն անդրադարձել են հայ-կիպրական դարաւոր բարեկամութեանը, պատմականօրէն երկու ժողովուրդների ճակատագրերի նմանությանը, ինչպէս նաեւ պետականութեան կորստի դժուարին ժամանակներում մշակոյթի, ազգային ինքնութեան պահպանման գործում հայ եւ կիպրացի ժողովուրդների կեանքում եկեղեցու ունեցած դերին եւ նշանակութեանը:
Ս.Սարգսեանն Արքեպիսկոպոս Խրիսոստոմոս Երկրորդի հետ խօսել է նաեւ կիպրահայ համայնքի մասին, որը Կիպրոսի իշխանութիւնների եւ նաեւ եկեղեցու շնորհիւ հաջողութեամբ ինտեգրուել է այդ երկրի հասարակութեանը` պահպանելով իր ազգային ինքնութիւնը:
Կիպրոս կատարած պետական այցի շրջանակներում Ս.Սարգսեանն այցելել է նաեւ հայկական «Նարեկ» դպրոց, ծանօթացել այդ ուսումնական հաստատութեան պայմաններին, գործունէութեանը եւ դպրոցին անհրաժեշտ գրքեր նուիրել:
Նիկոսիայում այնուհետեւ Ս.Սարգսեանն այցելել է հայկական Սուրբ Աստուածածին եկեղեցի, հանդիպում ունեցել հայ համայնքի ներկայացուցիչների հետ: