Երեւան, Հայաստան (Նոյեմբեր 12, 2010) Երեւանում տեղի ունեցաւ «Լրատուութեան այլընտրանքային ռեսուրսներ» ծրագրի մեկնարկի պաշտօնական արարողութիւնը: Ծրագրի նպատակն է աջակցել լրատուամիջոցների զարգացմանը, ինչպէս նաեւ հնարաւորութիւն ստեղծել, որ տեղեկատուութեան մշտական հոսքում իրենց տեղն ունենան այնպիսի տեսակէտներ ու նորութիւններ, որոնք հասանելի չէն հանրութեանը: «Լրատուութեան այլընտրանքային ռեսուրսներ» ծրագրի նպատակն է Հայաստանում առաւել հասանելի դարձնել անկողմնակալ եւ բազմակարծիք լրատուութիւնը աւանդական եւ այլնտրանքային միջոցներով` ժամանակակից տեխնոլոգիաների կիրառմամբ: Ծրագիրը համատեղ իրականացնում էն Ինտերնիւս Նեթուորքը (ԱՄՆ), Եւրասիայ համագործակցութիւն հիմնադրամը, Երեւանի մամուլի ակումբը եւ մամուլի աջակցութեան «Ինտերնիւս» Հկ-ն: Ծրագիրը հնարաւոր է դարձել ամերիկեան ժողովրդի աջակցութեամբ` ԱՄՆ Միջազգային զարգացման գործակալութեան միջոցով: Ծրագրի հիմնական բաղադրիչներն էն այլընտրանքային բովանդակութեան արտադրութիւնն ու տարածումը, մեդիայ գրագիտութեան խթանումը, օրէնսդրական շահերի պաշտպանութիւնն ու վերահսկողութիւնը: Համատեղելով տեղական եւ միջազգային փորձը, «Լրատուութեան այլընտրանքային ռեսուրսներ» ծրագիրը կը նպաստի այլընտրանքային բովանդակութեան հասարակական պահանջարկի ձեւաւորմանը, կը ստեղծի տեղեկատուութեան արտադրութեան եւ տարածման նոր եղանակներ, ինչպէս նաեւ կը խթանի հասարակութեան կողմից մամուլի ազատութեան շահերի պաշտպանութիւնը: Ծրագիրը խրախուսելու է, որ հայաստանեան լրատուամիջոցները լիովին օգտագործեն թէ ժամանակակից տեխնոլոգիաները, թէ աւանդական արտայայտչամիջոցները` հանրութեանն անկողմնակալ ու որակեալ լուրեր մատուցելու համար: Ծրագիրն անդրադառնալու է նաեւ այն խնդիրներին, որոնք առանցքային էն Հայաստանի լրատուամիջոցների համար: Սերտօրէն համագործակցելով լրատուամիջոցների եւ հասարակական կազմակերպութիւնների հետ, ծրագիրն իրականացնողները նպատակ ունէն առաւել նպաստաւոր միջավայր ստեղծել բազմակարծիք եւ ազատ լրատուամիջոցների գործունէութեան համար: «Լրատուութեան այլընտրանքային ռեսուրսներ» ծրագիրը նպատակ ունի նաեւ հանրութեան բազմաթիւ շերտերին մասնակից դարձնել դարաշրջանի տեղեկատուական առաջնըթացին եւ զարգացող քաղաքացիական լրագրութեանը, նպաստել աւելի պահանջկոտ սպառողների սերնդի ձեւաւորմանը: Ծրագիրը տարբեր մեդիա-խմբերին կը տրամադրի դրամաշնորհներ` այլընտրանքային եւ նորարար բովանդակութիւն հեղինակելու եւ տարբեր ժամանակակից լրատուական ուղիներով տարածելու համար:

---