Գողացուած աւտոմեքենան յայտնաբերել են թալանուած վիճակում
15-03-2012 18:38:32 | Հայաստան | Մամլո հաղորդագրություն
Մարտի 14-ի առաւօտեան ոստիկանութեան Երեւան քաղաքի վարչութեան հերթապահ մասում հաղորդում է ստացուել, որ գիշերը Բաբաջանեան փողոցի թիւ 35 շէնքի բակից «Վազ-2106» մակնիշի աւտոմեքենայ են փախցրել:
Նոյն օրը, ժամը 13.00-ի սահմաններում, ոստիկանութեան ծառայողներն աւտոմեքենան յայտնաբերել են Երեւանի Լենինականի փողոցում գտնուող բենզալցակայանի յետնամասում` թալանուած վիճակում:
Աւտոմեքենայից բացակայում են գազի բալոնը, պահեստային անիւը եւ ձայնարկիչը: Նիւթական վնասի չափը կազմում է 300.000 դրամ:
Ըստ ՀՀ ոստիկանութեան օպերատիւ տուեալների, կատարւում է հետաքննութիւն: