24-03-2012 12:09:41 | Հայաստան | Մամլո հաղորդագրություն
Մարտի 23-ին, ժամը 16.25-ին, հիւանդանոցից ոստիկանութեան Ճամբարակի բաժնում հաղորդում է ստացուել, որ շմոլ գազի թունաւորումով իրենց մօտ են տեղափոխուել Վահան գիւղի երկու բնակչուհի:
Մեկնած օպերատիւ խումբը պարզել է, որ նոյն օրը, ժամը 11.00-ի սահմաններում, նրանք թունաւորուել են տան խոհանոցի գազօջախի թերայրման հետեւանքով առաջացած շմոլ գազից:
Ըստ ՀՀ ոստիկանութեան օպերատիւ տուեալների, կատարւում է հետաքննութիւն:
Մարտի 23-ին, ժամը 18.35-ին, հիւանդանոցից ոստիկանութեան Մարտունու բաժնում հաղորդում է ստացուել, որ շմոլ գազի թունաւորումով իրենց մօտ է տեղափոխուել Ձորագիւղ գիւղի մի բնակիչ:
Պարզուել է, որ նա թունաւորուել է նոյն օրը, ժամը 17.00-ի սահմաններում, լոգարանում առաջացած շմոլ գազից:
Ըստ ՀՀ ոստիկանութեան օպերատիւ տուեալների, կատարւում է հետաքննութիւն: