Արցախի Տումի գիւղում տեղի է ունեցել Հայրենական մեծ պատերազմի եւ Արցախեան ազատամարտի նահատակների յիշատակը հավերժացնող վերանորոգուած յուշահամալիրի բացումը
Արցախի Տումի գիւղում տեղի է ունեցել Հայրենական մեծ պատերազմի եւ Արցախեան ազատամարտի նահատակների յիշատակը հավերժացնող վերանորոգուած յուշահամալիրի բացումը
04-10-2010 16:56:00 | Հայաստան | Քաղաքական
ՍՏԵՓԱՆԱԿԵՐՏ, 4 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Լեռնային Ղարաբաղի հանրապետութեան նախագահ Բակո Սահակեանը հոկտեմբերի 2-ին այցելել է Հադրութի շրջանի Տումի գիւղ եւ մասնակցել Հայրենական մեծ պատերազմի եւ Արցախեան ազատամարտի նահատակների յիշատակը հավերժացնող վերջերս վերանորոգուած յուշահամալիրի բացման հանդիսաւոր արարողութեանը: Նա նշել է, որ հայրենիքի պաշտպանութեան համար զոհվածների յիշատակի հավերժացումը հանդիսանում է մատաղ սերնդի հայրենասիրական դաստիարակութեան կարեւոր նախապայմաններից մէկը:
Բ.Սահակեանի խօսքերով, այն հանգամանքը, որ համալիրի վերանորոգումը կատարուել է ժողովրդի հանգանակութեան, պետական եւ հասարակական սեկտորների համատեղ ջանքերով, ցոյց է տալիս հասարակութեան բոլոր հատուածների միակամությունն այս կարեւոր հարցում:
Այնուհետեւ Բ.Սահակեանը հայրենիքի պաշտպանութեան գործում ակտիւ մասնակցութիւն ունեցած մի խումբ ազատամարտիկների յանձնել է պետական պարգեւներ:
Միջոցառմանը մասնակցել են վարչապետ Արա Յարութիւնեյանը, պաշտօնատար այլ անձինք: