Մայիսի 10-ը շինարարական աշխատանքների առումով “Բերքառատ” էր “Երեւան Ջուր” ՓԲԸ համար: Մասնաւորապէս, Նոր Նորքի 5-րդ զանգուածին յարակից տրանսպորտային հանգոյցում ընկերութեան “Հիւսիս” շահագործման տեղամասի աշխատակիցները վերակառուցում էին ջրաբաշխիչ դիտահորը: Ինչպէս նշեց տեղամասի գլխաւոր ճարտարագէտ Սպարտակ Մկրտչեանը, այստեղ վթարուած փականները թէ չէին գործում եւ թէ ջրի զգալի կորստի էին յանգեցնում: Իսկ ամենակարեւորը` նման դիտահորի կարիք այլեւս չկար: Նոր Նորքի 4-րդ զանգուածը, որը նախկինում այստեղից էր ջուր ստանում, ներկայումս ապահովուած է այլընտրանքային խողովակաշարով, իսկ 5-րդ զանգուածի ջրամատակարարմանը նշուած փականները միայն խանգարում են: Այդ իսկ պատճառով որոշում էր ընդունուել ապամոնտաժել ջրաբաշխիչ դիտահորը: Արդէն մայիսի 11-ից “Կաթնաղբիւր 4-Երեւան” ջրատարի ջուրը կը հոսի 5-րդ զանգուած անարգել եւ անկորուստ:

---