15-06-2012 12:49:54 | ԱՄՆ | Մամլո հաղորդագրություն
Նախագահ Բակոյ Սահակեանը յունիսի 15-ին հանդիսաւոր պայմաններում դիպլոմներ է յանձնել Արցախի պետական համալսարանը գերազանցութեամբ աւարտած մի խումբ շրջանաւարտների:
Իր խօսքում երկրի ղեկավարը կարեւորել է բարձրագոյն կրթութեան դերը մեր հանրապետութեան կեանքում եւ ընդգծել, որ մենք կառուցում ենք մի պետութիւն, որտեղ գիտելիքը, կիրթ ու բազմակողմանի զարգացած մարդը պէտք է ունենան առանցքային դերակատարութիւն:
Նախագահ Սահակեանը նշել է, որ երկրի ղեկավարի կողմից լաւագոյն շրջանաւարտներին դիպլոմների յանձնման հանդիսաւոր արարողութիւնը տեղի է ունենում առաջին անգամ, բայց կը լինի շարունակական եւ կը դառնայ բարի աւանդոյթ:
Ինչպէս յայտնում են Արցախի Հանրապետութեան նախագահի աշխատակազմի տեղեկատուութեան գլխաւոր վարչութիւնից, արարողութեանը մասնակցում էին վարչապետ Արա Յարութիւնեանը, պաշտօնատար այլ անձինք: