Տաթեւ - Հալիձոր ճանապարհի 300 մետր հատուածը սողանքի պատճառով փակուել է
15-03-2011 19:16:59 | Հայաստան | Հասարակութիւն
Տաթեւ - Հալիձոր 23 կմ ճանապարհի 300 մետր հատուածը սողանքի պատճառով փակուել է. յարակից ժայռի փլուզման հետեւանքով առաջացած բեկորները թափուել էն ճանապարհին:
Ինչպէս «ՆՏ»-ին յայտնեց ՀՀ տրանսպորտի եւ կապի նախարարի մամլոյ քարտուղար Սուսան Տօնոյեանը, ներկայումս աշխատանքներ էն տարւում ճանապարհը բացելու համար:
Յիշեցնենք, որ Տաթեւ-Հալիձոր ճանապարհը շահագործման է յանձնուել 2010 թ. հոկտեմբերին, Հալիձոր գիւղը Տաթեւի վանքի հետ կապող` աշխարհում ամենաերկար ճոպանուղու բացմանը զուգահեռ:
Ճոպանուղու շինարարութիւնը իրականացրել է աւստրիա-շուեյցարական Garaventa ընկերութիւնը, իսկ ենթակառուցուածքների շինարարութիւնը` իտալական RENCO ընկերութիւնը:
Ճոպանուղու շինարարութեան նախագծի ընդհանուր արժէքը 13 մլն ԱՄՆ դոլար է, իսկ ծրագրի ընդհանուր արժէքը` 45 մլն ԱՄՆ դոլար: Ըստ նախագծի, ճանապարհների վերանորոգման աշխատանքները իրականացրել է ՀՀ կառավարութիւնը, իսկ Հայաստանի Ազգային մրցունակութեան հիմնադրամը վերականգնել է Հալիձորից Տաթեւի վանք տանող ճանապարհը: Հէնց ճանապարհի այդ հատուածն է, որ այժմ անանցանելի է: