ՀՀ գլխաւոր դատախազ Աղուան Յովսէփեանը մարտի 9-ին ընդունեց ԵԱՀԿ ԺՀՄԻԳ ղեկավար, դեսպան Եանեշ Լենարչիչին, ԵԱՀԿ երեւանեան գրասենեակի ղեկավար, դեսպան Սերգեյ Կապինոսին: Հանդիպմանը մասնակցում էին ԵԱՀԿ երեւանեան գրասենեակի եւ ՀՀ գլխաւոր դատախազութեան աշխատակիցնէր: Հանդիպման ընթացքում քննարկուեցին Ժհմիգ-ի կողմից «ՀՀ քրէական դատավարութեան օրէնսգրքի» նոր հայեցակարգի վերաբերեալ ներկայացուած առաջարկութիւնների եւ դրանց շուրջ ՀՀ դատախազութեան տեսակէտների մասին հարցերը: ՀՀ գլխաւոր դատախազը շնորհակալութիւն յայտնեց պարոն Յ. Լենարչիչին, ներկայացուած առաջարկութիւնների, համագործակցութեան պատրաստակամութեան եւ ստացուած դրական արդիւնքների համար: Ա. Յովսէփեանը հիւրերին տեղեկացրեց, որ ընդհանուր առմամբ պատրաստ էն «Քրէական դատավարութեան օրէնսգրքի» նոր հայեցակարգով նախատեսուած փոփոխութիւնների փաթեթները եւ առաջիկայում Կառավարութիւնը այն կը ներկայացնի Ազգային Ժողովի քննարկման: Գլխաւոր դատախազը նշեց, որ նոր «Քրէական դատավարութեան օրէնսգրքի» ընդունման հարցը կարեւորուել է նաեւ ՀՀ Նախագահի կողմից եւ Նախագահի հրամանագրով ստեղծուել է աշխատանքային խումբ` Սահմանադրական դատարանի նախագահի գլխաւորութեամբ, սահմանուել էն աշխատանքների կարգը եւ ժամկէտները: ԺՀՄԻԳ ղեկավար Յ.Լենարչիչը շեշտեց, որ նոր «Քրէական դատավարութեան օրէնսգրքի» ընդունումը նաեւ ցուց է տալու, թէ որքանով է ՀՀ օրէնսդրութիւնը քրէական ոլորտում համապատասխանում միջազգային չափանիշներին եւ Հայաստանի Հանրապետութեան կողմից ստանձնած պարտաւորութիւններին: Յ.Լենարչիչը նշեց նաեւ ՀՀ նախագահի կողմից «Քրէական դատավարութեան օրէնսգրքի» հայեցակարգի նկատմամբ ցուցաբերած ուշադրութեան կարեւորութիւնը։ Նրա խօսքերով, վերջին շրջանում, Հայաստանում գնալով աւելի է նկատւում բարեփոխումներ իրականացնելու գործընթացի ակտիւացում: Գլխաւոր դատախազը յայտնեց, որ անձամբ իր խնդրանքով ԵԱՀԿ երեւանեան գրասենեակը անցկացնում է դատախազական համակարգի բարեփոխումների փորձագիտական մոնիտորինգ, յստակեցնելու, թէ անցկացուած բարեփոխումների արդիւնքում, որքանով է դատախազական համակարգը համապատասխանում միջազգային չափանիշներին: Ըստ ՀՀ Գլխաւոր դատախազութեան Հանրային կապերի վարչութեան, ՀՀ գլխաւոր դատախազը նշեց, որ համագործակցութիւնը ԵԱՀԿ երեւանեան գրասենեակի հետ մշտապէս տուել է դրական արդիւնքներ:

---