ԵՐԵՎԱՆ, 8 ԱՊՐԻԼԻ, ՆՈՅԵԱՆ ՏԱՊԱՆ: Հայաստանի կառավարութեան ապրիլի 8-ի նիստում հաւանութեան արժանացավ թեթեւ արդիւնաբերութեան ոլորտի հիմնախնդիրների լուծմանն ուղղուած միջոցառումների ժամանակացոյցը: Ինչպէս նշեց ՀՀ էկոնոմիկայի նախարար Ներսէս Երիցյանը, ժամանակացոյցը կազմուել է համաշխարհային արդի զարգացումների եւ կանխատեսումների վերլուծութիւնների հիման վրայ, ինչպէս նաեւ մասնաւոր հատուածի հետ քննարկումների արդիւնքում: Ըստ նախարարի, ժամանակացոյցը թոյլ կտայ առաջիկայ 2 տարիների ընթացքում բացայայտել եւ վերագնայատել թեթեւ արդիւնաբերութեան ոլորտում առկայ ներուժը, միաւորել մասնաւոր հատուածի ջանքերը, յստակեցնել պետութեան աջակցութեան մեխանիզմները, որի համար հիմք կհանդիսանայ աւելի երկարաժամկէտ ռազմավարութեան մշակումը:

---