ԵՐԵՎԱՆ, 24 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: 2010 թուականի յունվարի 1-ի դրութեամբ Հայաստանի ընդհանուր պետական պարտքը կազմել է ՀՆԱ-ի 38%-ը, իսկ այդ ծաւալում ամենամեծ մասնաբաժինը կազմող ՀՀ կառավարութեան արտաքին պարտքը` ՀՆԱ-ի 28%-ը: Այս մասին Ազգային ժողովի փետրուարի 24-ի նիստում յայտնեց ՀՀ ֆինանսների նախարար Տիգրան Դավթեանը`պատասխանելով «ՀՅԴ» խմբալցության անդամ Հրայր Կարապետեանի հարցին: Նախարարը պարզաբանեց, որ դա համապատասխանում է միջազգային ընդունուած չափանիշներին եւ մակրոտնտեսական տեսակետից էական վտանգ չի ներկայացնում, որովհետեւ միջազգային պրակտիկայում ռիսկային է համարւում, երբ կառավարութեան արտաքին պարտքը գերազանցում է ՀՆԱ-ի 50%-ի ցուցանիշը: Նախարարը նշեց նաեւ, որ 2010թ.-ի ընթացքում ընդհանուր պետական պարտքի ծաւալը կաւելանա եւ կկազմի ՀՆԱ-ի 45-46%-ը: Նշուեց, որ պետական պարտքը դառնում է ռիսկային, երբ ընդհանուր ծաւալը գերազանցում է ՀՆԱ-ի 60 %-ը: Ըստ Տ.Դաւթեանի, Հայաստանի օրենսդրութեամբ ամրագրուած են ռիսկայնության տեսանկիւնից սահմանային չափաքանակը եւ այն իջեցնելու համար անհրաժեշտ միջոցառումները: Նա վստահեցրեց նաեւ, որ «կառավարութիւնը միջազգային կազմակերպութիւնների հետ համատեղ իրականացնում է ամենաօրյա մոնիտորինգ, եւ իրավիճակը կառավարելի է եւ այս պահի դրութեամբ ոչ մի մտավախութիւն չի առաջացնում»:

---