Հայաստանի բոլոր աւտոճանապարհներին կտեղադրուեն մետաղական նոր ցուցիչ-վահանակներ
30-12-2010 15:58:00 | Հայաստան | Հասարակութիւն
ԵՐԵՎԱՆ, 30 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի Տրանսպորտի եւ կապի նախարարութեան նախաձեռնութեամբ Երեւան-Մեղրի-Իրանի սահման եւ հակառակ ուղղութեամբ միջպետական ճանապարհին տեղադրուել են մետաղական նոր ցուցիչ-վահանակներ:
Ինչպէս «ՆՏ»-ին յայտնեց ՀՀ տրանսպորտի եւ կապի նախարարի մամուլի քարտուղար Սուսաննա Տոնոյանը, ցուցիչ-վահանակների վրայ սլաքներով նշուած են Ջերմուկ-Երեւան-Գորիս-Մեղրի-Իրանի սահման եւ հակառակ ուղղութեամբ ճանապարհների երկարությունը եւ ուղղութիւնները, ինչը վարորդներին եւ ուղեւորներին հնարաւորութիւն կտայ աւելի հեշտ կողմնորոշուել, թէ որ ուղղութեամբ շարունակել ճանապարհը եւ երբ հասնել նշանակէտին:
Նա նշեց նաեւ, որ նոր նշանների տեղադրման ծրագիրը նախատեսւում է իրականացնել հանրապետութեան բոլոր աւտոճանապարհների վրայ: