Տրասեկա-ի երկրորդ ներդրումային համաժողովում Հայաստանը
կը ներկայացնի մի շարք ծրագրեր
17-12-2010 20:50:31 | Հայաստան | Տնտեսութիւն
ԵՐԵՒԱՆ, 17 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի տրանսպորտի
եւ կապի նախարար Մանուկ Վարդանեանը դեկտեմբերի 17-ին ընդունել է
ՏՐԱՍԵԿԱՅ միջկառավարական յանձնաժողովի նորանշանակ գլխաւոր քարտուղար
Էդուարդ Բիրիւկովին: Վերջինս շնորհակալութիւն է յայտնել
նախարարին գլխաւոր քարտուղարի պաշտօնում Հայաստանի կողմից իր
թեկնածութիւնը պաշտպանելու համար:
Մ.Վարդանեանը տեղեկացրել է, որ Հայաստանը մասնակցում է
ՏՐԱՍԵԿԱՅ ծրագրի շրջանակներում իրականացուող «Կովկասի եւ ԱՊՀ
արեւմտեան երկրների միջազգային լոգիստիկ կենտրոններ» նախագծի
աշխատանքներին: Ինչպէս «ՆՏ»-ին յայտնեց ՀՀ տրանսպորտի եւ կապի
նախարարի մամուլի քարտուղար Սուսաննա Տօնոյեանը, մասնաւորապէս
նախանշուել են լոգիստիկ կենտրոնի տարածքին երկաթգծի եւ
աւտոճանապարհի մօտեցման հնարաւոր տարբերակները, ինչպէս նաեւ
վերջիններիս «Հիւսիս-հարաւ» աւտոմայրուղու եւ Երեւան շրջանցի հետ
միացման հնարաւորութիւնները:
Մ.Վարդանեանը յայտնել է, որ 2011թ.-ին կայանալիք ՏՐԱՍԵԿԱՅ
երկրորդ ներդրումային համաժողովի ընթացքում նախարարութեան կողմից
կը ներկայացուեն մի շարք ծրագրեր: