Հրանոյշ Յակոբեանը եւ Մովսէս Հերգելեանը քննարկել են
Հայրենիք-սփիւռք մշակութային գործակցութեանն առնչուող հարցեր
17-12-2010 20:36:25 | Հայաստան | Մշակոյթ
ԵՐԵՒԱՆ, 17 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 17-ին ՀՀ
սփիւռքի նախարար Հրանոյշ Յակոբեանն ընդունեց Բէյրութի «Նոյեան
տապան» ցուցասրահի տնօրէն, արուեստաբան, հրապարակախօս Մովսէս
Հերգելեանին:
Նոյեմբերի 23-ին Լիբանանում կազմակերպուել էր լիբանանահայ
արուեստագէտների, քանդակագործների, գեղանկարիչների, դիզայներների եւ
ցուցասրահների տնօրէնների հաւաք-հանդիպում, որի ժամանակ քննարկուել
են սեպտեմբերի 6-8-ին Երեւանում ՀՀ Սփիւռքի նախարարութեան
նախաձեռնութեամբ կազմակերպուած «Արուեստը եւ բիզնեսը, արուեստը եւ
համացանցը» խորագրով կերպարուեստի գործիչների համահայկական
համաժողովի ժամանակ բարձրացուած հարցերը:
Նշուած հաւաք-հանդիպման ընթացքում, որին մասնակցել է շուրջ 40
արուեստագէտ, Մ.Հերգելեանը զեկուցել էր երեւանեան համաժողովի
արդիւնքների, ընդունած որոշումների եւ առաջարկութիւնների մասին:
Հ.Յակոբեանը հիւրին ներկայացրեց նախարարութեան կողմից
իրականացուող մշակութային ծրագրերը: Հանդիպմանը քննարկուեցին
Հայրենիք-սփիւռք մշակութային գործակցութեանն առնչուող հարցերը,
Հայաստանի եւ Արցախի անկախութեան 20-ամեակի առթիւ Հայաստանում
ցուցահանդէս կազմակերպելու հնարաւորութիւնները: