Նորանկախ Հայաստանի ամենակայացած ինստիտուտը բանակն է,- յայտարարում Ղարաբաղեան պատերազմի վետերանների միութիւնը
05-11-2010 17:46:00 | Հայաստան | Քաղաքական
ԵՐԵՎԱՆ, 5 ՆՈՅԵՄԲԵՐԻ, ՆՈՅԵԱՆ ՏԱՊԱՆ: «Ղարաբաղեան պատերազմի վետերանների միութիւն» հասարակական կազմակերպութեան խորհուրդը նոյեմբերի 5-ին հանդէս է եկել յայտարարութեամբ, որում ասուած է.
«Վերջին շրջանում որոշ մամուլի միջոցներում եւ սոցիալական կայքերում տեղ են գտնում տեղեկատվություններ, որտեղ կոպիտ եւ անհարկի քննադատութեան թիրախ է դարձել ոչ թէ Բանակում տեղի ունեցած առանձին դէպքերը, այլ Հայոց Բանակն իբրեւ հաւաքական ինստիտուտ: Վստահ ենք, որ մեր նորանկախ Հանրապետութեան ամենակայացած ինստիտուտը Հայոց ազգային Բանակն է, որի դէմ իւրաքանչիւր մարտահրաւեր հարուած է մեր պետականութեանն ու ժողովրդին:
Միեւնոյն ժամանակ մենք նույնպես դատապարտում ենք սպայական կազմի առանձին ներկայացուցիչների անյարիր եւ անընդունելի պահվածքը, որոնք պատժուել են եւ դեռ պէտք էձ խստագույնս պատժվեն : Այն բոլոր սպաները, ովքեր չեն գիտակցում իրենց պարտավորություներն ու պատասխանատւութիւնը Հայ Ժողովրդի հանդէպ, պէտք է կոչումազուրկ լինեն եւ վռնդվեն Զինուած Ուժերի շարքերից:
Մենք մեր աջակցութիւնն ենք յայտնում Պաշտպանութեան նախարար Սեյրան Օհանյանին` գտնելով, որ վերջինիս նախաձեռնած բաց եւ հրապարակային քաղաքականութիւնը օգտակար է մեր Զինուած Ուժերի համար:
Հայոց Բանակը մեր պետութեան գոյութեան եւ մեր ժողովրդի անվտանգութեան միակ գրաւականն է: եւուրաքանչյուր հրապարակում, որ վերաբերւում է Բանակին, պէտք է չափից առաւել զգոյշ եւ հիմնաւորուած լինի, քանի որ այսօր Հայաստանն ու Արցախը գտնւում են պատերազմական իրավիճակում: Կոչ ենք անում հասարակական-քաղաքական դաշտի բոլոր դերակատարներին` անկախ իրենց հայեացքներից եւ համոզմունքներից, քաղաքական խարդավանքներից զերծ պահել մեր Բանակն ու համախմբուել նրա շուրջ` իբրեւ Նորանկախ Հայաստանի հարատեւութեան առհաւատչեայ»: