Սան Պաուլոյի համալսարանում անցկացուելու է Հայոց
ցեղասպանութեան 95-ամեակին նուիրուած միջազգային գիտաժողով
16-04-2010 10:30:00 | Հայաստան | Քաղաքական
ՍԱՆ ՊԱՈՒԼՈ, 16 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Ապրիլի
22-24-ը Սան Պաուլոյի Համալսարանում անցկացուելու է Հայոց
ցեղասպանութեան 95-ամեայ տարելիցին նուիրուած աննախադէպ միջազգային
գիտաժողով, Ինչպէս «ՆՏ»-ին յայտնել է Սան Պաուլոյի Համալսարանի
Հայագիտութեան ամբիոնի վարիչ Լուսինէ Եղիազարյանը, գիտաժողովի
կազմակերպիչներն են նոյն համալսարանի պատմութեան ֆակուլտետը եւ ՀՀ
գլխաւոր հիւպատոսութիւնը:
Գիտաժողովին մասնակցելու են ցեղասպանութեան եւ մարդու
իրաւունքների բնագաւառում յայտնի գիտնականներ Բրազիլիայից, ԱՄՆ-ից,
Կանադայից, Ֆրանսիայից, Թուրքիայից եւ այլ երկրներից: Միջոցառումը
անցկացուելու է ՀՀ եւ Սան Պաուլոյի նահանգային կառավարութեան
հովանու ներքոյ: