Ըստ հանրապետական պատգամաւորի, ՀՀ-ն երբեք չի հրաժարուելու
Արեւմտյան Հայաստանի տարածքներից ու Ցեղասպանութեան ճանաչման
գործընթացից եւ չի ընդունելու Կարսի պայմանագիրը
Ըստ հանրապետական պատգամաւորի, ՀՀ-ն երբեք չի հրաժարուելու
Արեւմտյան Հայաստանի տարածքներից ու Ցեղասպանութեան ճանաչման
գործընթացից եւ չի ընդունելու Կարսի պայմանագիրը
22-01-2010 15:44:00 | Հայաստան | Քաղաքական
ԵՐԵՎԱՆ, 22 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանեան որոշ
քաղաքական գործիչներ հայ-թուրքական արձանագրութիւնների մասին
Սահմանադրական դատարանի վճռից հրապարակումից յետոյ փորձում են
չքմեղանալ Թուրքիայի առջեւ` ասելով, թէ դա ներքին որոշում է եւ չի
անդրադառնայ երկու երկրների յարաբերութիւնների վրայ: Այսպիսի
դիտարկում արեց ՀՀ Ազգային Ժողովի «Հայ Յեղափոխական
դաշնակցութիւն» խմբակցութեան անդամ Արծուիկ Մինասեանը յունվարի
22-ի բանավէճում: Ըստ նրա, վերոնշեալ անձինք իրենց այդօրինակ
պահուածքով նսեմացնում են ՍԴ-ի որոշման ուժն ու նշանակութիւնը:
«Եթէ այս ոգով շարունակենք, եւ ՍԴ-ի որոշման պարտադիր կատարման
պահանջը չդրուի մեր պետական մարմինների առջեւ, բնականաբար, թուրքերը
կդադարեցնեն իրենց բարձրացրած աղմուկը եւ փոքր-ինչ ձգձգումով
կվավերացնեն արձանագրութիւնները»,- կանխատեսեց Ա.Մինասեանը:
ԱԺ-ի «Հայաստանի Հանրապետական կուսակցութիւն» խմբակցութեան
անդամ Գագիկ Մելիքեանի կարծիքով, ՍԴ-ի որոշումը սառը ցնցուղի
ազդեցութիւն ունեցաւ թուրքերի համար, որոնք ՀՀ իշխանութիւնների
հետ փորձում էին խօսել նախապայմանների լեզւով: Նրա խօսքերով, հայ
պաշտօնեաները մշտապէս յայտարարել են, որ արձանագրութիւնների
նպատակը դիւանագիտական յարաբերութիւնների հաստատումն ու սահմանի
բացումն է, ինչը հաստատուեց նաեւ ՍԴ-ի կողմից:
Բացի այդ, ինչպէս նշեց Գ.Մելիքեանը, ոչ մի երկիր առ այսօր չի
համաձայնել Թուրքիայի այն պնդմանը, թէ հայ-թուրքական
հարաբերություները կապուած են ղարաբաղեան խնդրի հետ: «Թուրքիային չի
յաջողուի այդ երկու հարցերը շաղկապել, եւ նրան կպարտադրեն
վաւերացնել արձանագրութիւնները, այնպէս, ինչպէս պարտադրեցին
ստորագրել դրանք»,- ասաց պատգամաւորը: Գ.Մելիքեանը նաեւ հաւաստեց,
որ ՀՀ-ն երբեք չի հրաժարուելու Արեւմտյան Հայաստանի տարածքներից եւ
Հայոց ցեղասպանութեան միջազգային ճանաչումից, բացի այդ` երբեք չի
ընդունելու Կարսի պայմանագիրը: