Արցախի հանրապետութիւնում տեղեկատուական եւ հեռահաղորդակցութեան տեխնոլոգիաների զարգացումն ունի քաղաքական եւ տնտեսական նշանակութիւն
30-04-2011 15:03:03 | Հայաստան | Տնտեսութիւն
Նախագահ Բակոյ Սահակեանի մօտ ապրիլի 30-ին տեղի է ունեցել աշխատանքային խորհրդակցութիւն` նուիրուած հանրապետութիւնում տեղեկատուական եւ հեռահաղորդակցութեան տեխնոլոգիաների զարգացման հարցերին:
Առանձնայատուկ ուշադրութիւն է դարձուել Արցախում տեղեկատուական տեխնոլոգիաների կենտրոնի հիմնադրման հարցին:
Երկրի ղեկավարը կարեւորել է ոլորտի զարգացումը` ընդգծելով, որ այն ունի եւ քաղաքական, եւ տնտեսական նշանակութիւն մեր հանրապետութեան համար: Նախագահը նշել է նաեւ, որ այս գործում ցանկալի արդիւնք ապահովելու համար անհրաժեշտ է սերտ համագործակցութիւն հաստատել Հայաստանի եւ Սփիւռքի համապատասխան օղակների հետ: Այս կապակցութեամբ Բակոյ Սահակեանը բարձր է գնահատել ՀՀ էկոնոմիկայի նախարարութեան, Ձեռնարկութիւնների ինկուբատոր հիմնադրամի, ՀՀ ՏՏ ձեռնարկութիւնների միութեան եւ մի շարք այլ կազմակերպութիւնների ջանքերը, որոնց ներկայացուցիչները ներկայ էին խորհրդակցութեանը:
Խորհրդակցութեանը մասնակցում էին վարչապետ Արա Յարութիւնեանը, պաշտօնատար այլ անձինք:
ԱՐՑԱԽԻ ՀԱՆՐԱՊԵՏՈՒԹԵԱՆ ՆԱԽԱԳԱՀԻ ԱՇԽԱՏԱԿԱԶՄԻ
ՏԵՂԵԿԱՏՈՒՈՒԹԵԱՆ ԳԼԽԱՒՈՐ ՎԱՐՉՈՒԹԻՒՆ
ԴԱՍ. ՀԱՅԵՐԵՆ 
Հայերեն
Русский
English
French