Մոսկուայում լոյս է տեսնելու «Հարաւային Կովկասի
պատմութիւնը» գիրքը հայ, վրացի եւ ադրբեջանցի գիտնականների
հեղինակութեամբ
18-01-2010 16:00:00 | Հայաստան | Քաղաքական
ՄՈՍԿՈՒԱ, 18 ՅՈՒՆՎԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Հայաստանի,
Ադրբեջանի եւ Վրաստանի մի շարք գիտնականների հեղինակութեամբ
փետրուարին Մոսկուայում ռուսերէն լեզւով լոյս կտեսնի «Հարաւային Կովկասի
պատմութիւնը» գիրքը: Ինչպէս մամլոյ ասուլիսում տեղեկացրել է
Ադրբեջանի ուսուցիչների ինստիտուտի պատմութեան ֆակուլտետի դեկան
Այդին Ասլանովը, գրքի հեղինակների թւում են պատմաբաններ Արմէն
Խաչիկեանը եւ Պատա Ռամիշվիլին:
Գրքի էլեկտրոնակին տարբերակը կտեղադրուի ինտերնետում: Ինչպէս
տեղեկացնում է www.news.az կայքը, Եւրամիութեան աջակցութեամբ գիրքը
կթարգմանուի նաեւ անգլերէն: Գիրքը նախատեսուած է հրատարակել նաեւ
հայերէն, ադրբեջաներէն եւ վրացերէն լեզուներով:
Գիրքը կհրատարակուի 1000 օրինակով եւ կյատկացուի երեք երկրների
գրադարաններին, գիտական եւ կրթական հաստատութիւններին: